"Xidmət-İş" Hİ Federasiyasının prezidenti, AHİK sədrinin birinci müavini İlyas Alxas oğlu Əliyev 

1957-ci ildə anadan olmuşdur. 1986-cı ildə D.Bunyadzadə adına Azərbaycan Xalq Təsərrüfatı İnstitutunu bitirmişdir.

Əmək fəaliyyətinə «Azərkəndtəsərrüfattexnika»-da fəhlə kimi başlamış və müxtəlif vəzifələrdə çalışmışdır.

1981-ci ildən həmkarlar ittifaqı orqanlarında çalışmış, təlimatçı-müfəttiş vəzifəsindən Ticarət və İstehlak Kooperasiyası İşçilərinin Həmkarlar İttifaqı Respublika Komitəsinin sədri vəzifəsinə kimi yüksəlmişdir. 2000-ci ildə bir neçə sahə həmkarlar ittifaqlarının birləşməsi nəticəsində yaranmış «Xidmət-İş» Həmkarlar İttifaqları Federasiyasının prezidenti seçilmişdir.

1996-cı ildə AHİK sədrinin müavini, 1998-ci ildə isə birinci müavin seçilmişdir.

Ümumhəmkarlar İttifaqları Konfederasiyasının Şurasının, AHİK-in Məclis və İcraiyyə Komitəsinin üzvüdür.

Azərbaycan Respublikasının ictimai-siyasi həyatında və həmkarlar ittifaqlarının inkişafında xüsusi xidmətlərinə görə ölkənin «Tərəqqi» medalı, 3-cü dərəcəli «Vətənə xidmətə görə» medalı, «Azərbaycan Həmkarlar İttifaqlarının 100 illik yubiley» medalına layiq görülmüşdür. Bir sıra beynəlxalq həmkarlar ittifaqlarının medalları ilə təltif edilmişdir.

Evlidir. Üç övladı var.

Federasiyanın vitse - prezidenti Camaləddin Köçəri oğlu İsmayılov

26 iyun 1950-ci ildə Gədəbəy rayonun Slavyanka kəndində anadan olmuşdur. 1972-ci ildə Xarkov İnşaat Mühəndislər İnstitutunu bititrib.

1976-1978 ci illrdə hərbi qulluğunda olmuşdur.
Uzun illər sovet və partiya işində çalışmışdır.

Bakıda əmək fəaliyyətinə 1986-cı ildə Bakı şəhər təhsil idarəsində başlayıb. 1991-ci ildə Respublika Sanatoriya-Kurort və Turizm İşçiləri Birləşmiş Həmkarlar İttifaqı Komitəsinin sədri vəzifəsinə seçilmişdir.

2000-ci ildə bir neçə sahə həmkarlar ittifaqlarının birləşməsi nəticəsində yaranmış «Xidmət-İş» Həmkarlar İttifaqları Federasiyasının vitse-prezidenti vəzifəsinə seçilmişdir.

AHİK Məclis və Icraiyyə Komitəsinin, Federasiyanın Məclis və Icraiyyə Komitəsinin üzvüdür. 

Azərbaycan Respublikasının ictimai-siyasi həyatında və həmkarlar ittifaqlarının inkişafında xüsusi xidmətlərinə görə ölkənin "Tərəqqi" medalı, "Azərbaycan Həmkarlar İttifaqlarının 100 illik yubiley" və "Həmkarlar İttifaqında xidmətə görə" medallara layiq görülmüşdür, AHİK-in, Federasiyanın, bir sıra beynəlxalq həmkarlar ittifaqlarının Fəxri Fərmanları ilə təltif edilmişdir.

Maarifləndirmə sahəsində göstərdiyi xidmətlərinə görə Həmkarlar Konfederasiyasının 25 illik Yubileyi münasibətilə medalla təltif olunub.

Ailəlidir, 2 qızı,bir oğlu,5 nəvəsi var.

Federasiyanın vitse - prezidenti Xəyyam Davud oğlu Nəsibov

12 dekabr 1977-ci ildə Bakı şəhərində anadan olmuşdur.

1995-1999-cu illərdə Azərbaycan Dövlət Mədəniyyət və İncəsənət Universitetində ali təhsil almışdır. 2002-ci ildə Azərbaycan Respublikasının Prezidenti yanında Dövlət İdarəçilik Akademiyasının "Dövlət və bələdiyyə İdarəetməsi" fakultəsini bitirib. 2006-cı ildə fərqlənmə Diplomu ilə Azərbaycan Dövlət İqtisad Universitetinin "İqtisadiyyat və İdarəetmə Beynəlxalq biznes" üzrə magistr dərəcəsi verilib.

Əmək fəaliyyətinə 1995-ci ildə Bakı elektrik şəbəkəsində Transformator sexində 2-ci dərəcəli mühəndis vəzifəsində çalışmağa başlayıb və 3-cü dərəcəyədək yüksəlmişdir. 1998-1999-cu illər Dövlət Əmlak Komitəsində mütəxəssis vəzifəsində çalışıb.

2000-ci ildə Abşeron Regional Su SC-nə “Suyun paylanması və su xətlərinə birləşdirilməsi araşdırma” şöbəsinə aparıcı-müfəttişi vəzifəsinə qəbul olub və 2004-cü ilin oktyabr ayına qədər orada çalışıb.

2005-ci ildən sahibkarlıq fəaliyyəti (istehsalat və nəqliyyat) ilə məşğul olub.

2005-2007-ci illərdə "Sumqayıt Polimer", "Binəqədi Yük Avtonəqliyyat" kimi təşkilatlarda aktivlik və qayğıkeşliklə kollektivdə hörmət qazanmış, həmrəylik göstərərək, həmin təşkilatlarda həmkarların yaranmasının səbəbkarı olmuşdur.

2007-ci ildə Azərbaycan Respublikası "Xidmət-İş" Həmkarlar İttifaqları Federasiyasının Bakı Şəhər Komitəsinin sədri seçilib.

2012-ci ildə "Xidmət-İş" Həmkarlar İttifaqları Federasiyasının II Məclisinin qərarı ilə "Xidmət-İş" Həmkarlar İttifaqları Federasiyasının vitse-prezidenti seçilib.

2013-cü ildə Azərbaycan Respublikası Həmkarlar İttifaqları Konfederasiyasının 20 illik yubileyi ilə bağlı orden ilə təltif edilib.

2015-ci ildə Azərbaycan Respublikasının Prezidenti İlham Əliyev tərəfindən ictimai-siyasi fəaliyyətində və Həmkarlar sıralarında aktivlik və peşəkarlıq göstərdiyinə görə "Tərəqqi" medalı ilə təltif edilib.

2018-ci ildə Azərbaycan Respublikası Həmkarlar Ittifaqları Konfederasiyasının 25 illik yubileyi ilə bağlı orden ilə təltif edilib.

2019-cu ildə atası Davud Nəsibin yazdığı "Cavanşir" tarixi romanın latın əlifbasında çapının naşiri olub.

2021-ci ildə Azərbaycan Həmkarlar İttifaqları yaranmasının 115 illiyi münasibətiylə Yubiley Döş nişanı ilə təltif edilmişdir.

Ailəlidir, 2 övladı var.